Сайт для лонданскага распрацоўшчыка браўзерных гульняў Push Gaming

26.06.2017

Студыя «Іквадарт» зрабіла сайт для лонданскага распрацоўшчыка браўзерных гульняў Push Gaming.

Частка 1. Карпаратыўны сайт.

Працу над праектам пачалі з пабудовы Business Model Canvas (літаральна «канвы бізнес мадэлі») і разам з кліентам адказалі на пытанні, з якіх найбольш важныя:

Для каго (хто ёсць асноўныя наведвальнікі сайта)?
Якую каштоўнасць можа складаць сайт для наведвальнікаў?
Якім чынам зараз адбываецца ўзаемадзеянне?
Якія асаблівасці мае бізнес Push Gaming?

Далей перайшлі да прататыпавання і змадэлявалі маршруты 2-х асноўных катэгорый карыстальнікаў: заказчыкаў (B2B) і прэтэндэнтаў на вакансіі. Няхай вас не здзіўляе, што суіскальнікі ўвайшлі ў ТОП ключавых катэгорый наведвальнікаў сайта: у Лондане вельмі жорсткая канкурэнцыя за кваліфікаваных дызайнераў і распрацоўшчыкаў.

Дызайн. Мы будзем не да канца сумленныя, калі змаўчым пра нашы апаскі наконт таго, што заказчык возьмецца кіраваць дызайнам (у штаце Push Gaming ёсць свае дызайнеры). Аказалася ўсё зусім наадварот: заказчык уважліва прыслухоўваўся да ўсіх рэкамендацый, якія датычыліся UX/UI; дыскутавалі мы толькі на «эстэтычныя» тэмы.

Франтэнд праграмаванне (HTML вёрстка), як і на ўсіх іквадартаўскіх сайтах, зроблена кастамнае: без выкарыстоўвання CSS фрэймворка.

Бэкэнд праграмаванне выканана на базе фрэймворка Yii 2. Гэта дазволіла лёгка маштабаваць праект і перайсці да распрацоўкі яго другой часткі. Аб ёй праз некалькі абзацаў.

З мелкіх фішак: зрабілі «таймлайн» на старонцы About. Атрымаўся кампактны, функцыянальны і інфарматыўны расказ пра гісторыю кампаніі. Ён быў важны для патэнцыяльных заказчыкаў Push Gaming.

Рэзультат нашых старанняў можна ўбачыць па спасылцы: pushgaming.com.

Пасля запуску сайта натхніліся к кліентам на другі сумесны праект – Client Area (літаральна — «кліенцкая зона») – нешта накшталт асабістага кабінета кліента.

Частка 2. «Кліенцкая зона».

Карпаратыўны сайт pushgaming.com вырашыў пэўныя задачы:

прыцягванне лідаў праз прэзентацыю кампаніі і яе праектаў;
прыцягванне патэнцыяльных супрацоўнікаў.

Але як канвертаваць лідаў у заказчыкаў? І як падтрымаць сувязь з кліентамі?

Для іх мы распрацавалі кліенцкую зону. Яна змяшчае 3 асноўных раздзела:

Game Details;
Game Materials;
Roadmap.

Цяпер пра кожны з раздзелаў падрабязней.

Game Details

Раздзел змяшчае інфармацыю пра гульні.

Карыстальнікі з пашыранымі правамі атрымліваюць доступ да падрабязнай інфармацыі і дэма-версіі гульні: на старонцы з’яўляюцца дадатковыя блокі і спасылка на дэма.

Roadmap

Своеасаблівы каляндар гульняў. Старонка змяшчае спіс існуючых і запланаваных да запуску гульняў. Насупраць назваў запланаваных гульняў адлюстроўваецца час, які застаўся да запуску.

Game Materials

Game Materials — «кастамнае» файлавае сховішча з размеркаваннем правоў карыстальнікаў (накшталт спрошчанага DropBox ці Google Drive).

Гэта і сэрца, і мозг, і лёгкія кліенцкай зоны, як у сэнсавым, так і ў тэхнічным плане. Яно змяшчае дрэва тэчак і файлаў з маркетынгавымі матэрыяламі і зыходнікамі гульняў. Карыстальнік бачыць толькі тыя матэрыялы, да якіх яму быў дадзены доступ.

Усе тыпы файлаў маюць свае іконкі. У дрэве адлюстроўваюцца атрыбуты файлаў: дата апошняй змены і памер. Карыстальнік можа пампаваць як асобныя файлы, так і тэчкі цалкам.

Сістэма кіравання

Тут усё прайшло не так гладка. Не прадугледзелі з заказчыкам вялікі наплыў лідаў і першапачаткова распрацавалі модуль кіравання карыстальнікамі з лінейнай структурай. Гэта значыць, што адміністратар адзначаў, якія гульні і якія тыпы кантэнту даступны для кожнага карыстальніка. Такая сістэма добра працавала, пакуль у дзень з'яўлялася некалькі лідаў. Калі штодзённая колькасць лідаў перайшла на дзясяткі, а потым і сотні, прыйшлося задумацца пра стварэнне груп карыстальнікаў.

Пасля дапрацоўкі сістэмы адміністратару дастаткова прысвоіць карыстальніку пэўную групу, і той атрымлівае неабходныя правы доступу. Прадугледзелі магчымасць і індывідуальнай настройкі кожнага карыстальніка.

Гатовы праект можна паглядзець па спасылцы: client.pushgaming.server.iquadart.by. Паколькі кліенцкая зона — закрытая тэрыторыя, мы размясцілі яе на нашым серверы. Для аўтарызацыі выкарыстоўвайце логін і пароль:

Логін: captain

Пароль: captain

Такім чынам, Push Gaming атрымаў інструмент, пры дапамозе якога:

дзеліцца пашыранай інфармацыяй з лідамі і дае ім «пашчупаць» прадукт;
дае зыходныя файлы і маркетынгавыя матэрыялы існуючым кліентам;
анансуе і лідам, і кліентам выхад новых гульняў.

Мараль.

Магчымасці сайта значна шырэй, чым проста расказ пра сваю кампанію. Сайт — інструмент, які здольны ў тым ліку дапамагаць продажам і маркетынгу.

Пахвалімся напаследак.

Сайт атрымаў «Ганаровае ўпамінанне» (Honorable Mention) на адным з самых прэстыжных конкурсаў сайтаў Awwwards; узнагароду Special Kudos на сусветным конкурсе CSS Design Awards; а таксама заняў 1-е месца ў конкурсе сайтаў Рэйтынгу Байнэту-2017 у намінацыі «Карпаратыўны сайт».